Futbola
EA Sports Liga
EITBk Lehen Mailako euskal taldeek astelehenetan jokatuko dituzten partidak emango ditu, zuzenean
EITB MEDIA
21:00etan hasiko dira, eta ETB1en eta eitb.eus-en izango dira ikusgai.
-
Ral Garcia de Haro eta Ander Herrera, Euskal Herria Txapelako finalean. Argazkia: EFE.
EITBk, 2024-25 denboraldian, Lehen Mailako euskal taldeek astelehenetan jokatuko dituzten partidak emango ditu, zuzenean. Neurketak 21:00etan hasiko dira, eta ETB1en eta eitb.eus-en izango dira ikusgai.
Horrenbestez, Lehen Mailako futbola bueltan da EITBn, bi hamarkadaren buruan. Jardunaldi bakoitzean, beti jokatzen dute partida bat astelehenean; norgehiagoka horretan Alaves, Athletic, Osasuna edo Reala tartean izango direnean, zaleek ETB1en eta eitb.eus-en ikusteko aukera izango dute.
2024-25 denboraldiko EA Sports Liga abuztuaren 15ean hasiko da. Urritik aurrera, Winter Series Txapelketa hasiko dela kontuan izanik, euskal talderen batek astelehenean jokatuko duen bakoitzean honelakoa izango da programazioa: lehenik, futbol norgehiagoka; hori amaituta, zesta puntakoa.
