Futbola
Liga
Vila-real taldeak Quique Setien kaleratu du
Agentziak | EITB MEDIA
Denboraldi honetan jokatutako lau partidetatik bakarra irabazi du (Mallorcaren kontra, 0-1), eta beste hirurak, galdu: 1-2 Betisen aurka, 3-4 Bartzelonaren aurrean eta 3-1 Cadizen kontra. Miguel Angel Tena futbol arduradunak hartuko du kargua oraingoz.
-
Quique Setien, artxiboko irudi batean
Vila-real taldeak Quique Setien entrenatzailea kargutik kentzea erabaki duela jakinarazi du astearte honetan. Denboraldi honetan jokatutako lau partidetatik bakarra irabazi du (Mallorcaren kontra, 0-1), eta beste hirurak, galdu: 1-2 Betisen aurka, 3-4 Bartzelonaren aurrean eta 3-1 Cadizen kontra.
Ohar baten bidez, klubak Setienen "profesionaltasuna eta konpromisoa" azpimarratu ditu, eta "joan den denboraldi hasierako egoera zailari aurre egiteko erronka bere gain hartzea eskertzen die Setieni eta haren lantaldeari". "Sasoi bikaina" egin zutela goraipatu du, "harrobiko gazte askori aukera emateaz gain, UEFAren Europa League jokatzeko sailkapena eta Ligako bosgarren postua lortuta".
Miguel Angel Tena Vila-realeko futbol arduradunak hartuko du kargua oraingoz; beraz, gaur, Jose Manuel Llaneza kirol hirian egingo duten entrenamendua gidatuko du, 18:30etik aurrera.
