Futbola
TXAPELDUNEN LIGA
Manchester Cityk, Real Madrilek eta PSGk sendo ekin diote Txapeldune Ligari
AGENTZIAK | EITB MEDIA
Chelseak eta Leipzigek galdu egin zuten, eta horrek euren entrenatzaileak kargutik kentzea eragin du, Thomas Tuchel eta Domenico Tedesco, hurrenez hurren.
-
Erling Haaland, Sevillaren aurkako partidan. Argazkia: EFE
Erling Haaland aurrelari norvegiarra, bi golekin, Manchester Cityren garaipen sendoaren (0-4) gidaria izan zen Txapeldunen Ligako aurtengo estreinaldian, garaipen argia erdietsi baitzuen Ramon Sanchez-Pizjuan futbol-zelaian Sevillaren aurka.
Real Madrilek, bere aldetik, berezkoa duen eraginkortasun ezaguna erabili zuen bere tituluaren defentsaren estreinaldia aurrera ateratzeko, Celticen aurka 0-3ko emaitza argia lortuta. Eskoziarrek markagailuak islatu zuena baino zailtasun gehiago sortu zizkieten madrildarrei; gainera Karim Benzema aurrelaria lesionatu egin zen.
Paris Saint-Germaini dagokionez, garaipen sendoa lortu zuen Juventusen aurka Kylian Mbappek sartutako bi golei esker (2-1) eta Borussia Dortmundek Kopenhage jipoitu zuen (3-0).
Txanponaren beste aldean, Chelseak galdu egin zuen Dinamo Zagreben etxean (1-0), eta emaitza horrek Thomas Tuchel entrenatzailearen kargugabetzea eragin du. Gauza bera gertatu da Domenico Tedesco italiarrarekin, Leipzigek Txapeldunen Ligan Shakhtar Donetsken aurka 1-4 galdu ostean.
Lehen jardunaldiko emaitzak:
E multzoa:
Dinamo Zagreb – Chelsea (1-0)
Salzburg – Milan (1-1)
F multzoa:
Leipzig – Sahktar Donetsk (1-4)
Celtic – Real Madril (0-3)
G multzoa:
Dortmund – Kopenhage (3-0)
Sevilla – Manchester City (0-4)
H multzoa:
PSG – Juventus (2-1)
Benfica – Maccabi Haifa (2-0)
