Futbola
Fitxaketa
Haalandek Manchester Cityn jokatuko du 2022ko uztailetik aurrera
EITB Media
Ingalaterrako klubak Norvegiako jokalaria fitxatzeko aurreakordioa sinatu du Borussia Dortmundekin. Cityko aurrelaria izango da uztailaren 1ean.
-
Haaland, 2020-2021 denboraldian Sevillari sartu zion gol bat ospatzen. Argazkia: EFE
Manchester Cityk Erling Haaland fitxatu du. Ingalaterrako klubak aurreakordioa sinatu du jokalariarekin eta Borussia Dortmundekin, astearte honetan (maiatzak 10) jakinarazi duenez.
Ingalaterrako klubak Haalanden 70 milioi euroko etete-klausula ordainduko dio Borussia Dortmundi, eta norvegiarra Cityko jokalaria izango da uztailaren 1ean. Alemaniako klubari dirua ordaintzeaz gain, beste 70 milioi euro ordainduko ditu gain-sari gisa; beraz, 140 milioi euro ordainduko ditu guztira Manchester Cityk.
Hiru denboraldi eman ditu Haalandek Borussia Dortmunden, eta 88 partida jokatu eta 85 gol sartu ditu Alemaniako taldearekin. Norvegiarrak 21 urte ditu, eta gaur egun munduan den aurrelari onenetakoa da, Kylian Mbapperekin batera.
Ingalaterrako komunikabideen esanetan, Erling Haalandek 500.000 euro kobratuko ditu astean Manchester Cityn.
