Futbola
Racing-Bartzelona (0-2)
Messi berriro erabakigarria izan da Santanderren
Erredakzioa
Pep Guardiolaren mutilek Racing erraz menderatu dute eta hiru puntuak Bartzelonara eraman dituzte.
-
Sergio Busquets Bartzelonako jokalaria Sardineron. Argazkia: EFE
Racing: Mario Fernández; Francis, Alvaro, Bernardo, Cisma; Colsa (Adrian, 62. minutua), Gullon; Arana, Diop, Munitis (Jairo, 70. minutua); eta Babacar (Stuani, 46. minutua).
Bartzelona: Valdes; Alves, Mascherano, Puyol; Busquets, Xavi (Keita, 83. minutua), Iniesta, Cesc Fabregas; Cuenca (Tello, 73. minutua), Messi eta Pedro (Adriano, 87. minutua).
Golak: 0-1, 29. minutua. Messi. 0-2, 56. minutua. Messi, penaltiz.
Bartzelonak Santanderreko Racing 2-0 mendean hartu du gaur BBVA Ligako 27. jardunaldian. Neurketa Sardineron jokatu da eta Pep Guardioalren jokalariek garaipena lortu dute. Horrenbestez, Bartzelonak liderrarengatik 10 puntura jarraitzen du eta Kantabriako taldea jaitsiera postuetan dago.
Bartzelonak aise irabazi dio Racingi. Lehen minututik, kataluniarrak gailendu dira eta baloiaren jabetza bereganatu dute. Kantabriarrak ez dira lehen zati osoan Valdesen areara hurbildu, eta aurreneko abisua bigarren zatian eman dute.
