Futbola
Lidertza
Manchester United taldeak irabazi eta Ingalaterrako lider berria da
Erredakzioa
Wayne Rooneyk deabru gorrien bi golak sartu ditu. Athleticen aurka jokatu zuen hamaikakotik lau aldaketa egin ditu Alex Ferguson Unitedeko prestatzaileak.
-
Wayne Rooney, Manchester Uniteden aurrelaria. Argazkia: EFE
Chicharito Hernandezen erremate baten ostean Rooneyk aurreneko gola sartu du 35. minutuan eta ondoren penalti bat sareetara bidali du 71. minutuan. West Bromwich Albion jokalari bat gutxiagorekin geratu da neurketan.
Jarraian lau norgehiagoka irabazi ditu Unitedek Premierren eta lehiaketako lider berria da. Cityri puntu bateko aldea ateratzen diote deabru gorriek.
Athleticen aurka 2-3 galdu zuen hamaikakotik lau aldaketa egin ditu Alex Ferguson Unitedeko prestatzaileak. Rio Ferdinand atzelaria, Paul Scholes eta Michael Carrick erdilariak eta Welbeck aurrelaria hamaikakoan sartu ditu Eskoziako entrenatzaileak.
