Manchester Cityk Porto jipoitu du eta final-zortzirenetan da

Erredakzioa

Azken eguneratzea: 2012/02/22 20:14 (UTC+1)

Talde ingelesak 1-2 irabazi zuen Portugalen jokatu zen joaneko partida eta bere etxean 4-0 irabazi dute.

Dzekok Heltonen aurrean gola sartzen duen unea. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Manchester City da UEFA Europa Leagueko final-zortzirenetara sailkatu den lehen taldea. Talde ingelesak 4-0 irabazi dio Portori final-hamaseirenetako itzulerako partidan eta joanekoan 1-2 irabazi zuten.

Aguerok sartu zuen partidako lehen gola lehen minutuan eta beste hiru golak bigarren zatian iritsi ziren. Dzekok egin zuen 2-0ekoa 76. minutuan, 3-0koa David Silvak sartu zuen 84.ean eta bi minutu beranduago Pizarrok festa borobildu zuen 4-0ekoa sartuta.

City final-zortzirenetako aurkariaren zain geratzen da orain. Aurkaria Legia-Sporting Portugal kanporaketatik aterako da. Varsovian jokatutako joaneko norgehiagokan 2-2koa izan zen emaitza.