Ingalaterrako sei klubek Superligaren proiektua uzten dutela iragarri dute

Superligaren sortzaileetakoak ziren Ingalaterrako sei taldek proiektuari uko egiten diotela iragarri dute astearte honetako azken orduan. Manchester City izan da lehena Superligari uko egiten diola adierazten, eta beste bost talde ingelesek haren pausoak jarraitu dituzte.

Ondorioz, Manchester City, Liverpool, Manchester United, Chelsea, Tottenham Hotspur eta Arsenal taldeek ez dute Superligan parte hartuko. Florentino Perez presidente duen proiektua bertan behera geratzeko arriskuan da.

Real Madril, Bartzelona, Atletico Madril, Milan, Inter Milan eta Juventus dira Superligako proiektuarekin aurrera jarraitu nahi dutenak.