Futbola
Santander Liga
Ligak 33. jardunaldiko zortzi partida apirilaren 18ra aurreratu ditu
A. B. | EITB Media
Apirilaren 27, 28 eta 29 egunetan jokatzea aurreikusita zegoen Santander Ligako 33. jardunaldia apirilaren 18an jokatuko da, Athletic-Valladolid etal Barça-Granada neurketak izan ezik.
-
Ligako lehen itzuliko Atletico Madril-Eibar partidako irudia. Argazkia: EFE
Lehen Mailako 33. jardunaldiko zortzi partida apirilaren 18ra aurreratzea erabaki du LaLigak ostegun honetan. Hasieran, jardunaldi hau apirilaren 27, 28 eta 29an jokatzea aurreikusita zegoen. Athletic Club-Valladolid eta Bartzelona-Granada norgehiagokak soilik jokatuko dira apirilaren 28an eta 29an, zuri-gorriak eta blaugranak nor baino nor arituko baitira Errege Kopako finalean, apirilaren 17an.
Osasuna-Elx eta Reala-Sevilla neurketek irekiko dute 33. jardunaldia, 14:00etan. Alaves-Huesca eta Atletico Madril-Eibar partidak, 16:15ean jokatuko dira.
Santander Ligako 33. jardunaldiko partiden datak eta ordutegiak :
Reala - Sevilla CF (14:00etan)
CA Osasuna - Elx (14:00etan)
Deportivo Alaves - SD Huesca (16:15ean)
Atletico Madril - SD Eibar (16:15ean)
Real Betis - Valencia CF (18:30ean)
Cádiz CF - RC Celta de Vigo (18:30ean)
Getafe CF - Real Madrid CF (21:00etan)
Levante UD - Vila-real CF (21:00etan)
Athletic Club - Real Valladolid (apirilaren 28 edo 29an)
Bartzelona-Granada (apirilaren 28 edo 29an)
