Txekiar Errepublika-Espainia (0-2): Garaipen erosoa

Erredakzioa

Azken eguneratzea: 2011/10/08 11:46 (UTC+2)

Matak eta Xabi Alonsok lortutako golei esker Espainiako selekzioak garaipen erraza eskuratu zuen Pragan. Erdilari gipuzkoarrak lesionatuta bukatu zuen norgehiagoka.

Xabi Alonsok eskuratu du bigaren gola. Argazkia: EFE

Whatsapp
Whatsapp
telegram
twitt
Bidali
Esteka kopiatu

Vicente Del Bosqueren mutilek aurreneko aldiz garaipena eskuratu dute Pragan. Xavi Hernandezek ederki gidatu zuen taldea eta Juan Matak eta Xabi Alonsok golak lortu zituzten espainiarrentzat. Txekiar Errepublikak gogor borrokatzen jarraitu beharko du Eurokoparako sailkatzea lortzeko.

Espainia nagusi izan zen partida osoan zehar eta norgehiagoka kontrolpean mantendu zuten gorriek. Lehenengo zatiko 6. minutuan, Juan Matak Petr Cecha gaibnditu zuen buruz burukoan eta Chelseako jokalariak 0-1ekoa jarri zuen markagailuan.

0-2koa Xabi Alonso gipuzkoarrak eskuratu zuen lehenengo zatiko 23. minutuan. Real Madrileño jokalariak bigaren zutoinean errematatu zuen David Silvaren pase bikaina. Hala ere, Xabi Alonsok lesionatuta bukatu zuen norgehiagoka Hubschmannek sarrera gogorra egin baitzion erdilariari.

- Fitxa teknikoa:

0 - Txekiar Errepublika: Cech; Gebre Selassie, Hubnik, Sivok, Kadlec, Pudil; Tomas Hubschman, Kolar (Vacek, 77. minutuan), Jirácek, Rosický; eta Milan Baros (Pekhart, 63. minutuan).

2 - Espainia: Casillas; Sergio Ramos (Puyol, 46. minutuan), Raul Albiol, Pique, Arbeloa; Busquets, Xabi Alonso (Javi Martinez, 71. minutuan), Xavi; Silva, Mata eta Fernando Torres (Villa, 61. minutuan).

Golak: 0-1, 6. minutuan Mata. 0-2, 23. minutuan: Xabi Alonso.