Futbola
Europa Liga, finalerdiak
Interrek samur irabazi dio Shakhtarri, eta finalean izango da Sevillaren aurka (5-0)
AGENTZIAK | ERREDAKZIOA
Lautaro Martínez eta Romelu Lukaku aurrelariak bina gol sartu zituzten Italiako taldearen garaipenean.
-
Interreko jokalariak Shakhtarren aurka sartutako goletako bat ospatzen. Argazkia: EFE
Inter Milanek 5-0 garaitu zuen Shakhtar Donetsk astelehen honetan, Europa Ligako finalerdietan, eta datorren ostiralean Kolonian jokatuko den finalean egongo da, Sevillaren aurka.
Lautaro Martinez argentinarrak eta Romelu Lukaku belgikarrak bina gol sartu zituzten, eta Danilo d 'Ambrosiok lortu zuen bosgarrena. Hala, Antonio Conteren taldeak garaipen sendoa erdietsi zuen, sendotasuna berresteaz gain.
Horrenbestez, Inter Europako final batean izango da beste behin ere, azkenekoa jokatu eta hamar urtera, Txapeldunen Liga irabazi zuenean Santiago Bernabeun Bayern Munichen aurka. Ostiral honetan, bere historiako laugarren UEFA/Europa Liga irabazteko aukera edukiko du.
Fitxa teknikoa:
5 - Inter: Handanovic; Godín, De Vrij, Bastoni; D'Ambrosio (Moses, 81. min), Barella, Brozovic (Sensi, 85. min), Gagliardini, Young (Biraghi, 68. min); Lukaku (Esposito, 85. min) eta Lautaro (Eriksen, 81. min).
0 - Shakhtar: Pyatov; Dodo, Krivtsov, Kocholava, Matviyenko; Stepanenko, Marcos Antonio; Alan Patrick (Solomon, 60. min), Marlos (Konoplyanka, 75. min), Taison eta Junior Moraes.
Golak: 1-0, 22. min: Lautaro. 2-0, 64. min: D'Ambrosio. 3-0, 74. min: Lautaro. 4-0, 78. min: Lukaku. 5-0, 84. min: Lukaku.
Epailea: Szymon Marciniak (Polonia). Txartel horiak: Taison (Shakhtar).
FINALERDIAK
Abuztuak 16
Abuztuak 17
Inter Milan 5-0 Shakhtar
FINALA
Abuztuak 21
(21:00) Sevilla – Inter Milan
