Futbola
Positiboak Marino taldean
Bigarren B Mailara igotzeko Fase Gehigarriko partidak, bertan behera
Erredakzioa
Espainiako Futbol Federazioak erabaki du Lealtad - Alcoyano eta Marino - Linares partidak bertan behera uztea, Marino taldean COVID-19gatik positiboak atzeman ostean.
-
Espainiako Futbol Federazioak atera duen komunikatu ofizialaren irudia. Argazkia: RFEF
Espainiako Futbol Federazioak jakinarazi duenez, Bigarren B Mailara igotzeko Fase Gehigarriko partidak bertan behera geratu dira, kanporaketa hauetan parte hartzen zuen Marino taldean COVID-19agatik positiboak atzeman ostean.
Federazioak azladu duenez, Lealtad, Alcoyano, Marino eta Linares taldeei egindako hasierako testen emaitzak negatiboak izan ziren, eta horregatik bidaiatu zuten Madrilera. Marinok, uztailak 30ean (osteguna) egin zituen testak, eta Federazioak uztailaren 31n (ostirala) jakinarazi zion emaitza guztiak negatiboak izan zirela. Ondorioz, Las Rozaseko Futbolaren Hirira arte joan ziren.
Hala ere, larunbat honetan emaitza positiboak atzeman dituzte Marino taldeko jokalari batzuei egindako testetan, eta Espainiako Futbol Federazioak horren berri eman die Madrilgo erkidegoko osasun-agintariei, Espainiako Gobernuari eta Madrilgo Gobernuari.
COVID-19agatik positiboak atzeman ostean, Espainiako Futbol Federazioak erabaki du bertan behera uztea larunbat honetarako (abuztuak 1) aurreikusita zegoen Lealtad - Alcoyano partida eta igandean (abuztuak 2) jokatu beharreko Marino - Linares neurketa.