Futbola
Koronabirusa
Sei positibo erregistratu dira Premier Leaguean
Agentziak | Erredakzioa
Guztira, 748 test egin zaizkie jokalariei eta klubetako langileei. Positiboak hiru klub ezberdinetatik datoz.
-
Premier Leagueko baloi ofiziala. Argazkia: EFE
Premier League Ingalaterrako futbol ligak koronabirusagatik sei positibo erregistratu ditu futbolari eta klubetako langile guztiei testak egin eta astearte honetan emaitzak jaso ostean.
Guztira, 478 test egin zaizkie klubetako langile eta futbolariei, horietatik seik positibo eman dutelarik. Kasu positiboak hiru klub ezberdinetan erregistratu direla jakinarazi du Premier Leagueak komunikatu baten bidez.
Positibo eman duten futbolariak edo langileak zazpi egunez isolatuta egon beharko dute. "Premier Leagueak ez ditu zehaztuko positibo eman dutenen izenak, eta ez du jakitera emango kasuak zein klubetan erregistratu diren", adierazi du Ingalaterrako futbol ligak.
Astearte honetan, klubak taldekako entrenamenduetara itzuli dira (10 jokalariz osatutako multzotan), astelehenean Premierreko 20 klubek hala erabaki ondoren.
