Futbola
Finala
Brasil eta Peru, Amerika Kopako tituluaren bila
Erredakzioa
Etxean irabazi nahi du txapelketa Brasilgo selekzioak, eta Perukoek historia egin nahi dute 40 urte eta gero.
-
Amerika Kopako multzoen faseko Brasil - Peru partidako irudia. Argazkia: EFE
Brasilek eta Peruk jokatuko dute 2019ko Amerika Kopako finala igande honetan, Maracana estadioan. Bi selekzio hauek multzoen fasean jokatu zuten elkarren aurka, eta talde brasildarrak lortu zuen garaipena 5-0eko emaitzarekin.
Peruri min egin zion Brasilen aurka 5 eta 0 galtzeak, eta arantza hori kendu nahi dute, titulua eskuratuta. Brasildarrek etxean jokatzearen presioa izango dute, eta multzoen fasean Peru jipoitu zuten arren, ez dira aurkariaz fidatzen.
Ustezko hamaikakoak:
Brasil: Alisson; Dani Alves, Thiago Silva, Marquinhos, Alex Sandro; Casemiro, Arthur, Everton, Coutinho; Firmino eta Gabriel Jesus.
Peru: Gallese; Advincula, Zambrano, Abram, Trauco; Tapia, Yotun; Carrillo, Cueva, Flores; eta Guerrero.
Epailea: Roberto Tobar (TXI).
Estadioa: Maracana.
Ordua: 22:00etan (Espainiako ordua).
