Futbola
Finalerdiak (joanekoak)
Europa League: Oporto eta Benfica nagusitu dira
Erredakzioa
Zuri-urdinek 5-1 gainditu dute Vila-real eta Lisboako taldeak 2-1 irabazi du Sporting Bragaren aurka. Garridoren mutilak finaletik asko urrundu dira eta miraria beharko dute itzuleko norgehiagokan.
Oportok aurrerapauso garrantzitsua eman du, Vila-real 5-1 gaindituz. Portugaleko taldeak Europa League-ko finala jokatzeko prest dagoela erakutsi zuen bigarren zati paregabea jokatuz. Canik 0-1ekoa lortu zuen 45. minutuan, baina Falcaok (hiru gol) eta Guarinek (bi gol) erabakita utzi zuten partida, bigarren zati paregabe batean.
Beste norgehiagokan, Benficak 2-1 gainditu zuen Sporting Braga. Bi taldeek aukera izaten jarraitzen dute, emaitza bientzat positiboa izan delako. Jardelek 1-0ekoa lortu zuen 49. minutuan, baina Pacinciaren mutilek 1-1ekoa jarri zuten 52. minutuan. 58. minutuan, Cardozok azken 2-1ekoa jarri zuen etxekoentzat.
