Futbola
2. jardunaldiko ordutegiak
Realak eta Eibarrek ostiralean jokatuko dute; eta Athleticek, astelehenean
eitb.eus
Alavesek, berriz, larunbatean, abuztuak 25, jokatuko du Betisen aurka, Mendizorrotzan.
-
Alaves-Betis partida abuztuaren 25ean jokatuko da, larunbata, 18:15ean. Argazkia: Efe.
Futbol Liga Profesionalak Lehen Mailako bigarren jardunaldiko partiden ordutegiak aditzera eman ditu.
Eibarrek emango dio hasiera jardunaldiari, Leganesen ostiralean jokatuko baitu, 18:15etik aurrera. Realak ere egun horretan bertan jokatuko du, Getafen, 22:15ean.
Alavesi dagokionez, larunbatean hartuko dute Betis Mendizorrotzan, 18:15etik aurrera.
Eta Athleticek, azkenik, astelehenean jokatuko du San Mamesen, Huescaren aurka, 22:00etan.
HORARIOS | Conoce cuándo se jugarán los partidos de la jornada 2 de #LaLigaSantander 2018/19. https://t.co/LaAeTNNDZV pic.twitter.com/OJjoaOYct8
— LaLiga (@LaLiga) 27 de julio de 2018
