Llorente Sevillan da talde andaluziarrarekin kontratua sinatzeko

Fernando Llorentek Sevillan jokatuko du denboraldi honetatik aurrera. Asteazken honetan iritsi da Sevillara Juventusen baimenarekin eta talde andaluziarrarekin lortu duen akordioa ondorengo orduetan sinatuko du, azterketa medikua gainditu ostean.

"Fernando Llorente aurrelari errioxarra gaur gauean iristi da Sevillara, Juventusen baimenarekin, datozen orduetan Sevilla CF taldearekin azterketa medikua pasatzeko", adierazi du talde andaluziarrak komunikatu batean.

Ostegun honetan pasako du azterketa medikua Sevillan eta ondoren Unai Emeryren aginduetara jarriko da. Horrenbestez, Athleticeko jokalari ohia BBVA Ligara itzuliko da. Unai Emeryk aurrelari baten beharra ikusi du, eta Llorenteren fitxaketarekin hondarribiarrak eskatutakoa beteko du klub andaluziarrak.

Harrobiko aurkaria

Fernando Llorente aurkari ezaguna da Athleticentzat, harrobiko eta aurre aldeko jokalaria, hain zuzen ere. 2005ean debuta egin zuen lehen taldearekin San Mamesen Espainolen aurkako norgehiagoka batean. Hiru egun geroago, bigarrenez zelairatu zen eta atea estreinatu zuen, zuri-gorriz jantzitako bere lehen gola eginez. Segidan, bere lehen ‘hat-trick’-a sinatu zuen.

2011/12 denboraldian, Zarra Saria jaso zuen Ligako golegile gorenenaren izendapena bere eginez. Ondoren, bere bigarren 'hat-trick' delakoa erdietsi eta Europa Ligan Athleticeko goleatzaile nagusiaren balentria eskuratu zuen.