Alaves jaitsiera postuetara itzuli da, Murtziaren aurka galduta

Alavesek Murtziaren kontrako partida galdu du Mendizorrotzan (0-1), ordubetez jokalari bat gehiagorekin aritu den arren. Murtziako Alexi bigarren txartel gorria atera dioten arte, Kike Garciak partidako gol bakarra sartu zuen. Alaves jaitsierako postuetan da berriro.

Partida erritmo handiarekin hasi da, bi ateetara begira. Minutuak igaro ahala, Alaves itzaltzen joan da, eta Kike Garciak gola sartu du, jokaldi azkar batean.

38. minutuan, Alexek bigarren txartel horia ikusi du, baina Alavesek ez du nagusitasuna aprobetxatu. Murtziak, hamarrekin ere, beldurra sartu die etxekoei.

Azken 15 minutuetan, Castok Manu Garciari egindako penaltia eskatu du Alavesek, baina epaileak ez du ikusi. Berdinketa izan du Stevanovicek 93.ean, baina azkenean, Alaves jaitsiera postuetara itzuli da.

FITXA TEKNIKOA

Alaves: Goitia; Medina, Samuel, Jarosik, Nano; Manu Garcia (Tejera, 80. min), Beobide (Stevanovic, 57. min), Emilio Sanchez; Toti (Serrano, 57. min), Velez eta Viguera.

Real Murcia: Casto; Molinero, Bautista, Alcala, Alex, Dorca, Toribio, Ivan Moreno (Wellington, 73. min), Eddy, Saul (Truyols, 81. min) eta Kike Garcia (Malonga, 92. min).

Golak: 0-1, 34. min: Kike Garcia.