Futbola
Jokalari onena
Cristiano Ronaldok irabazi du Urrezko Baloia
Erredakzioa
Real Madrileko portugaldarrak Lionel Messi eta Frank Ribery gainditu ditu finalean. Jupp Heynckesek jaso du entrenatzaile onenaren saria.
Cristiano Ronaldo Real Madrileko jokalariak irabazi du 2013ko Urrezko Baloia. Portugalgo izarrak bigarren aldiz jaso du, 2008an ere eskuratu baitzuen munduko jokalari onenaren saria.
Real Madrileko jokalariak Lionel Messi argentinarra (Bartzelona) eta Frank Ribery frantziarra (Bayern Munich) gainditu ditu, finalean.
Cristiano Ronaldo, gainera, lau aldiz izan da bigarren Urrezko Baloia lortzeko borrokan (2007, 2009, 2011 eta 2012ko edizioetan). Iaz 69 gol egin zituen, eta Portugal Brasilgo Munduko Txapelketarako sailkatu zuen, Suediaren aurkako kanporaketan lau gol sartuta.
Bestalde, Jupp Heynckes Athleticeko entrenatzaile ohiak lortu du 2013ko entrenatzailerik onenaren saria, iaz Bayern Munichekin erakustaldia eman ondoren, eta Nadine Angere alemaniarrak jaso du emakumezko jokalari onenaren saria.
