Futbola
Adelante Liga
Alaves, azkenengo sailkatua eta gol gehien jaso dituena
Erredakzioa
Juan Carlos Mandiaren gizonak Bigarren Mailako azkenengo postuan daude, Eibarren kontrako derbia galdu ondoren.
-
Alaves. Argazkia: EiTB
Alaves egoera oso larrian heldu da Gabonetako oporretara, Adelante Ligako azkenengo postuan. Gainera, Arabako taldea Bigarren Mailan gol gehien jaso dituena da (31 gol, 19 partidatan). Juan Carlos Mandiak zuzentzen duen taldeak ez du maila onik eman, ligako aurreneko zatian, eta jasotako golek min handia eman diote.
Alavesek partida bakarrean ez du golik jaso, 19 norgehiagoka jokatu ondoren. Sportingen aurka 3-0 irabazi zuen, seigarren jardunaldian.
Beste 18 neurketatan golak jaso ditu Gasteizko taldeak. Gainera, Bartzelona B eta Recreativoren kontra, 3 gol jaso zituen. Beste bederatzi partidetan, Alavesek bi gol jaso ditu.
