Futbola
Aurkezpena
Neymar: 'Taldeari eta Messiri laguntzeko prest nago'
Erredakzioa
Bartzelonak Camp Noun egin du jokalari brasildarraren aurkezpen ekitaldia, eta milaka zale bildu dira harmailetan. Barçako elastikoa jantzi du, eta hitz batzuk zuzendu dizkie zaleei.
Bideoak (1)
Bartzelonak Neymar da Silva fitxatu du, eta astelehen honetan egin du aurkezpen ekitaldia Camp Noun. Bartzelonako elastikoa jantzita irten da Camp Nouko berdegunera, baloiarekin ibili da, eta hitz batzuk zuzendu dizkie zaleei.
"Oso pozik nago Bartzelonaren moduko talde baten egoteagatik. Klub bat baino gehiago den taldea da", esan du Neymarrek. Ondoren, ekitaldiko aurkezleak taldeari zer eskainiko dion galdetu dio, eta hau izan da erantzuna: "Taldeari edozertan laguntzeko nator, eta Messiri laguntzeko ere. Messik munduko jokalari onena izaten jarraitzen du". Amaitzeko, zaleei eskerrak eman, eta "visca Barça" esanda amaitu du aurkezpen saiaoa.
