Futbola
BBVA Liga
Sevillak Michel kargutik kendu eta Unai Emery fitxatu du
Erredakzioa
Michel 2012ko otsailean heldu zen Sevillako aulkira Marcelino Garcia ordezkatzeko. Ligan 36 neurketa zuzendu ditu eta 13 garaipen, 11 berdinketa eta 14 porrot erdietsi ditu
-
Jose Miguel Gonzalez 'Michel' entrenatzailea. Argazkia: EFE
Jose Maria del Nido Sevillako presidenteak Jose Miguel Gonzalez 'Michel' lehen taldeko entrenatzailea kargutik kendu du arratsaldean. Michelek hamaika hilabete eman ditu karguan eta denboraldi amaierara arte kontratua zuen. Sevillak Unai Emery entrenatzaile gipuzkoarra fitxatu du 2014ra arte.
Michel 2012ko otsailean heldu zen Sevillako aulkira Marcelino Garcia ordezkatzeko. Ligan 36 neurketa zuzendu ditu eta 13 garaipen, 11 berdinketa eta 14 porrot erdietsi ditu.
Aurten Sevillak 12. tokian itxi du lehen itzulia 22 punturekin, 2002-03 denboraldiko puntu kopuru berdina. Sevillak mende honetan izan duen markarik txarrena da.
