Osasuna
Lesioa
Puñalek zuntz-haustura du
Erredakzioa
Iragan igandean, Valladoliden aurkako partidan, ezker hankan min hartu zuen Osasunako kapitainak eta erresonantzia magnetikoa egin diote. Ez du Espanyolen kontra jokatzerik izango.
-
Patxi Puñal Osasunako kapitaina. Argazkia: EITB
Patxi Puñal Osasunako kapitainak zuntz-haustura du ezker hankako bikian eta Espanyolen aurkako neurketa ez du jokatzerik izango, talde gorritxoak bere webgunean gaur jakitera eman duenez.
Iragan igandean, Valladoliden aurkako partidan, ezker hankan min hartu zuen erdilariak eta erresonantzia magnetikoa egin diote San Miguel Klinikan. Medikuek pronostikoa baieztatu dute, baina ez dute baja eperik finkatu.
Gainera, Masoud Shojaei Irango jokalariak kolpea jaso zuen iragan igandean eta azterketak egingo dizkiote asteazkean. Marc Bertranek ez du lan saioa taldekideekin bete, eta Nino eta Lamah prestatzaile fisikoarekin entrenatu dira.
