Osasuna
Lesioa
Bryan Zaragozari ebakuntza egingo diote eskuineko oineko bosgarren metatartsianoan haustura tratatzeko
EITB MEDIA
Osasunak ez du zehaztu zenbat denbora egongo den zelaietatik kanpo, baina epe hori bi eta hiru hilabete artekoa izan daiteke.
-
Bryan Zaragoza, abuztuan, bere aurkezpenean Sadarren Osasusako jokalari gisa Irudia: EFE.
Bryan Zaragoza Osasunako jokalariari ebakuntza egingo diote laster eskuin oineko bosgarren metatartsianoan duen haustura sendatzeko, eta, ondorioz, talde nafarrak zehaztu ez badu ere, bi eta hiru hilabete artean egon daiteke zelaietatik kanpo.
Osasunako entrenatzaileak, Vicente Morenok, badaki desoreka gehien sortzen duen futbolaria ez dela hainbat jardunalditan jokatzeko prest egongo. Lesioaren ondorioz, Malagako jokalariak ezin izango du ezker hegalean egon otsailera arte. Beraz, klubak hutsune garrantzitsu bati aurre egin beharko dio, gauzak ondoen baitzeuden Iruñeko taldearentzat: taldeak jada 23 puntu lortu ditu EA Sports Ligan, eta zazpigarren postuan dago sailkatuta.
23 urteko aurrelariari ebakuntza egingo diote Nafarroako Unibertsitate Klinikan eta, ondoren, sendatze-prozesuari ekingo dio.
Bai Bayern Munichek, bere eskubideak dituen klubak, bai Osasunak eta baita Bryanek ebakuntzaren erabakia hartzea erabaki dute: "Eroriko batzuek hegan eginaraziko dizute. Eskerrik asko guztiei babes eta animo mezuengatik. Gogor lan egingo dut lehenbailehen itzultzeko ", argitaratu du jokalariak bere sare sozialetan.
Hay caídas que harán volar!
— Bryan Zaragoza (@BryanZaragoza_) December 4, 2024
Gracias a todos por los mensajes de apoyo y ánimo. Trabajaré duro para volver lo antes posible ¿¿ pic.twitter.com/KPhJdonfBd
