Osasuna
Fitxaketa
Osasunak Abel Bretones fitxatu du datozen bost denboraldietarako
Agentziak | EITB Media
Nafarroako klubak 2,8 milioi euro ordaindu dizkio Oviedori ezker hegaleko defentsa fitxatzeko. Jokalari asturiarrak 2029ko ekainaren 30era arte sinatu du kontratua.
-
Abel Bretones, Osasunako jokalaria. Argazkia: @Osasuna
Osasunak Abel Bretones fitxatu du Oviedori 2,8 milioi euro ordainduta. Asturiasko ezker hegaleko defentsak 2029ko ekainaren 30era arte sinatu du kontratua Nafarroako klubarekin.
Datozen bost denboraldietan, beraz, elastiko gorritxoa jantziko du Bretonesek. Jokalariak 20 milioi euroko etete-klausula izango du, eta denboraldiaurrean lehen taldearekin bat egiten duenean aurkeztuko du Osasunak.
2023-2024 denboraldian Bigarren Mailako (Hypermotion Liga) ezusteko nagusietakoa izan zen Abel Bretones. Igotzeko play-offa jokatu du Oviedorekin, eta Hypermotion Liga eta Errege Kopako partidak zenbatuta, guztira 44 neurketa jokatu ditu.
