Osasuna
2023/24 DENBORALDIAN
Jesus Aresok Getaferi sartutako gola, LaLigako onena
A. A. | EITB MEDIA
Osasunako hegalekoak 21. jardunaldian erdietsi zuen txapelketa osoko golik onenaren saria jaso duena.
-
Jesus Areso, Getaferi sartutako bere gola ospatzen. Argazkia: EFE
Jesus Areso Osasunako eskuin hegaleko nafarrak Getaferen aurka Sadarren erdietsi zuen gol ikusgarriak 2023/2024 denboraldiko LaLigako gol onenaren saria jaso du astearte honetan.
Cascanteko jokalariak neurketako 80. minutuan sartutako golari esker talde gorritxoak Madrilgo taldeari irabazi ahal izan zion (3-2), txapelketako 21. jardunaldian jokatu zen norgehiagokan. Gainera, gol hori bere ibilbide profesionaleko lehendabizikoa izan zen atzelari nafarrarentzat.
Aresorekin batera gol onenaren sariaren lehian izan dira Lamine Yamal (Bartzelona), Vinicius Junior (Real Madril), Saul Coco (las Plamas) eta Memphis Depay (Atletico Madril).
¿¿ Un gol así era imposible que no ganara el premio. #LALIGAHighlights | #PREMIOSLALIGA | #LALIGAAWARDS | #LALIGAGOALOFTHESEASON #GlobeSoccer pic.twitter.com/26ixK8VKBo
— C. A. OSASUNA (@Osasuna) May 28, 2024
