Osasunak errekurtsoa bidali du TASera Konferentzia Liga jokatu ahal izateko

EITB MEDIA

Publikatuta: 2023/07/14 22:57 (UTC+2) Azken eguneratzea: 2023/07/14 23:00 (UTC+2)

Errekurtsoa ostiral honetan, uztailaren 14an, bidali da, eta klubak abuztuaren 7ko zozketa baino lehen ebazpen bat egotea espero du.

Osasunako zaleak eta jokalariak. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (6)

Osasuna Konferentzia Ligatik kanpo uztea berretsi du UEFAren Apelazio Batzordeak
Espainiako Federazioaren ustez, "larria" da Osasunak ekainaren 23an argitaratutako oharrean adierazitakoa
Osasuna Konferentzia Ligatik kanpo uztea gomendatu dute UEFAko ikerlariek

Osasunak helegitea bidali du Kirol Arbitrajeko Epaitegira (TAS) ostiral honetan, uztailaren 14an, Konferentzia Ligako hurrengo edizioa jokatu ahal izateko, Noticias de Navarra egunkariak aurreratu duenez.

Klubeko zerbitzu juridikoek txosten bat bidali dute TASeko hiru epaileak konbentzitzeko, UEFAk talde nafarra datorren denboraldian Europako edozein lehiaketatatik kanpo uzteko hartutako erabakia atzera bota dezan. Talde gorritxoak ebazpena euren interesen aldekoa izatea espero du eta epaia abuztuaren 7a baino lehen ematea. Egun horretan, Osasunak zigorrik jaso ezean, Nafarroako taldearen izena kanporaketen zozketan sartuko litzateke.