Osasuna
Hauteskundeak
Miguel Archanco abokatua, Osasunako presidente berria
Erredakzioa
Abokatuak, Izcoren zuzendaritzako kideak, 3.020 boto lortu ditu (% 74,44), aurkariak baino hiru aldiz gehiago. Izan ere, Zabaletak 1.002 boto eskuratu ditu (% 24,79).
Archancok, Izcoren zuzendaritzako kideak, 3.020 boto lortu ditu (% 74,44), aurkariak baino hiru aldiz gehiago. Izan ere, Zabaletak 1.002 boto eskuratu ditu (% 24,79), zenbaketa ofiziala bukatu eta gero talde gorritxoak goizaldean jakitera eman duenez.
2.517 bazkideek hauteslekuetan bozkatu dute, horietatik 1.793k Miguel Archancori eman diote botoa eta 689k Javier Zabaletari. Bestalde, 1.540k postaz irabazleari eman diote botoa eta 313k Zabaletari.
Datorren ostegunean, uztailaren 5ean, Archanco Osasunako presidente izendatuko dute. Historia gorritxoaren 22. presidentea izango da. Osasuna 1920an sortu zen.
Garaipen argia
60 urteko Archancok aise irabazi dio Zabaletari. Enpresako aholkulariak duela bi urte plataforma bat sortu zuen Izcori oposizioa egiteko.
Biak hautagai ofizial izendatu zituzten gutxienez bazkideen 608 abal lortu ostean. Archancok 1.113 abal aurkeztu zituen eta Zabaletak 975.
Hauteskunde kanpainan, talde gorritxoaren harrobiaz eta egoera ekonomiakoaz eztabaidatu dute, besteak beste, baina Jose Luis Mendilibar entrenatzaileak jarraitu egin behar zuela argi zuten bi hautagaiek.
