Osasuna
31. jardunaldia
Liderraren gol-zaparrada Reyno de Navarran (1-5)
Erredakzioa
Garaipen erosoa eskuratu du Mourinhoren taldeak Osasunaren kontra Benzema, Cristiano Ronaldo (2) eta Higuain (2) jokalarien golekin.
Fitxa teknikoa:
1 - Osasuna: Andres Fernandez; Roversio (Echaide, 81'), Sergio, Miguel Flaño, Damia; Puñal, Nekounam, Raoul Loe (Lekic, 46'); Cejudo (Lamah, 66'), Nino eta Raul Garcia.
5 - Real Madril: Casillas; Arbeloa, Albiol, Sergio Ramos, Marcelo; Granero, Xabi Alonso; Benzema (Varane, 84'), Ozil (Di Maria, 81'), Cristiano Ronaldo; eta Higuain (Coentrao, 79').
Golak:
0-1, 7': Benzema.
0-2, 37': Cristiano Ronaldo.
0-3, 40': Higuaín.
1-3, 48': Nino.
1-4, 70': Cristiano Ronaldo.
1-5, 77': Higuaín.
Zuriak partida hasi eta berehala jarri dira markagailuan aurretik, 5. minutuan. Cristiano Ronaldok bigarren zutoinera erdiratu du eta Benzemak gol bikaina sartu du kontrako txokotik. Muñiz Fernandezek Jose Luis Mendilibar gorritxoen teknikaria kaleratu du 10.ean. Antza, Marcelok egindako falta batekin kexu agertu da entrenatzaile bizkaitarra.
Gorritxoak erasoan saiatu dira, baina baloiaren jabetza eta abagune garbienak Mourinhoren taldearenak ziren. 36. minutuan, zurien bigarren gola egin du Cristiano Ronaldok, urrunetik. Portugaldarrak gol erakusgarria sartu du.
Bigarren gol horrek konfiantza gehiago eman dio Real Madrili eta hiru minutu geroago, 39.ean, 0-3koa egin du Gonzalo Higuainek Andres goitik gaindituta. Atsedenaldian, gehiegizko errenta zuten bisitariek (0-3).
Ninok 47. minutuan sartutako golak partidan sartu ditu zaleak eta baita taldea ere. Roversiok bigarren zutoinera erdiratu du eta Ninok, buruz, Casillasen sarea zulatu du.
49.ean partida erabakita uzteko aukera paregabea izan du Real Madrilek, baina Higuain eta Cristiano Ronaldo, euren artean, nahastu dira eta ez dute argia zirudien gola lortu.
Zortea izan da protagonista zurien laugarren golan. Epaileak C. Ronaldori egin ez dioten falta adierazi du, jokalariak berak jaurti eta baloia sartu da Lekicen jo eta gero. Baina ez da horrekin konformatu Real Madril. C. Ronaldoren jokaldia ezkerretik, Huguaini jarri dio baloia eta honek bosgarrena sartu du buruz (1-5). Lamahri bigarren txartel horia erakutsi dio epaileak 89.ean, Osasuna hamarrekin geratu da. Ez da gehiagorako denborarik egon.
