Osasunaren zorra 75 urte atzeratzea baztertu du Nafarroako Gobernuak

Erredakzioa

Azken eguneratzea: 2012/02/23 13:47 (UTC+1)

"Ogasunarekin zorrak kitatzeko mekanismo legal ugari" daudela azaldu du Alvaro Miranda Ekonomia kontseilariak prentsaurrekoan.

Patxi Puñal eta Patxi Izko Osasunako jokalaria eta presidentea hurrenez hurren. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

28 milioi euro zor dizkio Nafarroako Ogasunari Osasunak

Ogasunarekin duen zorra kitatzeko epea 75 atzeratzea proposatu zuen Patxi Izko Osasunako presidenteak atzo, baina aukera hori erabat baztertu du gaur Nafarroako Gobernuak. Talde gorritxoak 27,9 milioi euro zor dizkio Nafarroako Ogasunari.

Yolanda Barcina Nafarroako presidenteak Osasunari PFEZ eta BEZ jaistea baztertu zuen atzo. "Ogasunarekin zorrak kitatzeko mekanismo legal ugari" daudela azaldu du gaur Alvaro Miranda Ekonomia kontseilariak prentsaurrekoan. Hala ere, 75 urteko atzerapen bat "legeak aurrikusten" ez duela esan du.

Osasunak Ogasunarekin duen zorrari buruzko xehetasunik ez du eman Mirandak. "Gainerako zergapekoek bezala Osasunak legea bete behar du, zergak ordaindu behar ditu eta zailtasunak daudenean ordainketa errazteko bideak erabili", gaineratu du Ogasun kontseilariak.