Osasuna
Igandean, 16:00etan
Osasuna-Racing: Liga da gorritxoen txapelketa
Erredakzioa
Errege Kopako kanporaketa ahaztu eta Ligan jarri behar dituzte indarrak Jose Luis Mendilibarren mutilek. Patxi Puñalek ezin izango du jokatu zigortuta baitago.
-
Osasuna. Argazkia: EFE
Jose Luis Mendilibarren Osasunak Racing hartuko du Nafarroako Erresuman. Gorritxoak Errege Kopatik at gelditu dira Bartzelonaren aurka kanporaketa galdu eta gero eta Ligan jarri beharko dituzte indar guztiak.
Iruñeko taldeak 26 puntu ditu aurreneko itzulia bukatzeko bi partidaren faltan. Hurrengo hiru neurketak etxean jokatuko ditu Osasunak eta sailkapenean aurrerapauso garrantzitsua emateko aukera paregabea izango du.
Zaldibarreko entrenatzaileak lau jokalari lesionatuta ditu, Roversio Rodrigues, Kike Sola, Jon Echaide eta Masoud. Gainera, Patxi Puñal kapitainak harmailetik ikusi beharko du norgehiagoka zigortita dagoelako.
Racingeko teknikariak, Juanjo Gonzalezek Acosta eta Diop berreskuratu ditu, baina Arana, Francis eta Nahuelpan etxean gelditu beharko dira.
Ustezko hamaikakoak:
Osasuna: Andres Fernández; Marc Bertran edo Damia, Sergio, Miguel Flaño, Satrustegui; Nekounam, Timor; Ibrahima, Lamah, Annunziata; eta Nino.
Racing: Toño; Alvaro, Torrejon, Bernardo, Cisma; Munitis, Diop, Colsa, Acosta; Adrian eta Stuani.
