Aridanek bihurritua dauka ezker belauneko lotailuan

Aridanek II. graduko zaintiratua du ezker belauneko alboko lotailuan, eta, ondorioz, hezin izango du larunbatean Sadarren jokatuko den Atletico Madrilen aurkako partidan, Osasunak jakitera eman duenez.

Aridane Athleticen aurkako neurketako 29. minutuan ordezkatu behar izan zuten, Raul Garciaren kolpe gogor baten ondorioz.

Horrenbestez, Jagoba Arrasatek funtsezko pieza bat galdu du, eta haren ordezkoa hautatu beharko du Unai Garcia, Raul Navas eta Facundo Roncaglia jokalarien artetik. Argentinarrak ez dirudi lehen aukera denik, baina ondo ezagutzen du erdiko atzelariaren posizioa eta entrenatzaileak erabil dezakeen aukeretako bat da.

Horrelako lesioek pare bat aste eta hilabete pasatxo arteko iraupena izaten dute.