Osasuna
Ez du derbia jokatuko
Budimirrek positibo eman du covid-19an
eitb.eus
Talde gorritxoaren azken fitxaketak Kroaziako selekzioarekin Frantziaren kontra jokatu zuen asteazkenean Zagreben.
-
Budimir, talde gorritxoaren azken fitxaketa
Ante Budimir jokalari kroaziarrak positibo eman du covid-19an egindako probetan, Osasuna taldeak iragarri duen bezala.
Aurrelariari PCR testa egin zioten Kroaziarekin Nazioen Ligako partidak jokatu eta gero, "probako emaitzak jakin bezain pronto klubak protokoloa aktibatu egin du eta kirol eta osasun agintariei jakinarazi zaie", adierazi du Osasunak agiri baten bitartez.
Talde gorritxoaren azken fitxaketak Kroaziako selekzioarekin Frantziaren kontra jokatu zuen asteazkenean Zagreben Iruñera bueltatu baino lehen.
Beraz, Jagoba Arrasatek aurrelari bat galduko du igandeko euskal derbirako. Osasunak Ipuruan jokatuko du Eibarren aurka goizeko 12:00etan.
