Baikor dago Osasuna Barçaren kontrako partidari begira

Osasunak entrenamendua egin du goizean Taxoaren. Larunbatean Barçaren kontra jokatuko dute gorritxoek eta partida hori behar bezala prestatzen ari dira.

Gaurko lan-saioan, Asier Riesgo gainerako taldekideekin batera ikusi dugu, nahiz eta oraindik ez duen senda-agiria jaso. Bihar edo etzira arte itxaron beharko dugu Camp Noun jokatuko ote duen jakiteko.

Nekounamek ere lan-saioa egin du, baina irandarra bakarrik aritu da. Ez da, ordea, lesionaturik dagoen jokalari bakarra, izan ere, Sergiori egin dioten erresonantziaren arabera, eskuin izterrean gihar haustura duela baieztatu da.

Arazoak arazo, larunbateko partidari begira oso baikor daude Osasunakoak, Pep Guardiolaren Barçaren kontra zer edo zer egin dezaketelakoan.