Osasuna
Lau denboraldirako
Osasunak Nacho Vidal fitxatu du
Erredakzioa
Klub gorritxoak eta jokalariak lau urterako kontratua sinatu dute. Vidal, Valentzia taldetik dator.
-
Nacho Vidal. Argazkia: CA Osasuna
Osasunak Nacho Vidal fitxatu du datozen lau denboraldietarako. Nafarroako kluba eta Valentzia akordiora iritsi dira, eta Osasunak ez duen arren ordaindu fitxaketagatik talde valentziarra jokalariaren eskubide ekonomikoen %50arekin geratzen da. Vidalek 30 milioi euroko etete-klausula izango du.
Ignacio "Nacho" Vidal Miralles (1995eko urtarrilak 24; Campello, Alacant) jokalariak 23 urte ditu, eta ezker hegaleko defentsa postuan jokatzen du. Valentzia Mestalla taldean jokalari garrantzitsua izan ostean, 2017-2018 denboraldian Valentziarekin jokatu zuen Lehen Mailan. Vidalek Ligako 7 partida jokatu zituen eta Errege Kopako bi neurketa. Lehen Mailan bere lehen gola sartu zuen Realaren aurkako partidan (2-3).
