Osasunak birritan egin du Liga hasiera txarragoa azken hamarkadan

Osasunan ez da giro taldearen bolada oso txarra izaten ari baita. Denboraldiaurrean ez zuen partidarik irabazi eta Ligan bi jardunalditan garaipena ezagutu gabe jarraitzen du. Puntu bakarra dauka lehen jardunaldian berdindu egin zuelako. Golik sartu gabe dago talde nafarra. Hala eta guztiz ez da talde gorritxoak azken hamarkadan egin duen denboraldi hasiera txarrena. Birritan egin du hasiera kaskarragoa.

2001/2002 denboraldian Miguel Angel Lotina entrenatzaile zela Ligako lehen bi partidak galdu zituzten. Lehen norgehiagoka etxean galdu egin zuten Celtaren aurka (0-3) eta bigarrenean Madrigalen 3-0 galdu zuen Vila-realen aurka. Azken postuan egon zen puntu gabe, golik sartu gabe eta sei gol aurka zituela.

2006/2007 denboraldian ''Cuco'' Ziganda entrenatzaile zela ere lehen bi partidak galdu zituen. Lehena Getaferen aurka 0-2 Reino de Navarran eta bigarren Camp Noun 3-0 Bartzelonaren aurka. Azken aurreko postuan kokatu zen orduan Osasuna puntu gabe eta bost gol kontran zituelarik. Orduan ere ez zuen golik sartu.

Gainera, Osasunak elastikoan babeslerik ez duela hasi du denboraldia baita iaz baino mila bazkide gutxiagorekin ere.