Osasuna
Jokalaririk gabe
Internazionalen arazoarengatik kexu agertu da Urban
Erredakzioa
Osasunako entrenatzailea bost jokalari gutxiagorekin aritu daiteke, selekzioekin deituta egoteagatik, eta partiden datak aldatu ahal izatea eskatu du.
-
Jan Urban / EITB.
Jan Urbanek, Osasunako entrenatzaileak, internazionalen arazoari irtenbidea jartzea eskatu du. Nafarroako taldeak bost jokalari arte gal dezake, selekzioen deialdien arabera, Adelante Liga gelditzen ez den arren.
"Norbaitek erabakiak hartu behar ditu gai honen inguruan. Ez zait normala iruditzen 5 jokalari falta izatea eta jokatu behar izatea. Ez gaude baldintza beretan", esan du Urbanek.
Cedrick Mabwatik eta Raoul Loek Alavesen aurkako partidak galdu zituzten, Kongo Kinshashako eta Kameruneko selekzioek deituta, hurrenez hurren. Bestetan, Javad Nekounam, Karim Ansarifard eta Liassine Cadamuro ere kanpoan geratu litezke.
Denek Alcorcon eta Ponferradinaren aurkako neurketak galtzeko aukera gado, hurrengo hilabeteetan, eta gainera, Afrikako eta Asiako Txapelketek, urtarrilean, egoera gaizkiagotu lezakete.
Oier Sanjurjo lesionatuta egonda, eta soilik 18 fitxarekin, Osasunak 12 jokalarirekin gera liteke. Taldea Federazioarekin jarri da harremanetan, konponbide baten bila. Partidak atzeratzea edo aste barruan jokatzea proposatu du Urbanek.
