Osasuna
Batzarra, 12:00etan
Mendilibarren etorkizuna, kinka larrian
Erredakzioa
Osasunako zuzendaritzak gaur erabakiko du Bizkaiko entrenatzailearen etorkizuna. Ligako aurreneko hiru partidak galdu ondoren, egoera larria da Iruñean.
-
Jose Luis Mendilibar. Argazkia: EFE
Miguel Archanco Osasunako presidenteak eta zuzendaritzak ezohiko batzarra egingo dute, 12:00etan, Jose Luis Mendilibarren etorkizuna erabakitzeko. Nafarroako taldeak ligako aurreneko hiru norgehiagokak galdu ditu, eta Zaldibarreko entrenatzailearen etorkizuna kolokan dagoela esan daiteke.
Osasunako zuzendaritzak lehenbailehen hartu beharko du erabaki bat, Taxoareko urak baretzeko. Iruñeko taldeak Ligako hurrengo neurketa prestatzen jarraitu behar du, garaipena bai ala bai lortu beharko duelako.
