Reala
Ostiralean, 21:30ean
San Mames lepo beteko da azken euskal derbia hartzeko
Erredakzioa
Athleticek baieztatu duenez, sarrera guztiak agortu dira San Mameseko txarteldegietan eta Katedrala bete egingo da bere historiako azken derbia hartzeko.
Athleticen eta Realaren arteko euskal derbia ikusteko sarrera guztiak agortu dira gaur San Mameseko txarteldegietan, talde zuri-gorriak baieztatu duenez.
Sarrera guzti-guztiak agortu dira. Goizean 500 inguru jarri dituzte salgai eta aitaren batean amaitu dira.
Ikusmina ikaragarria da. Derbiek beti duten pizgarriaz gainera, talde bien egoerak ere badu eragina. Aipatzeko beste datu garrantzisu bat ere badago. Katedral zaharrak hartuko duen azken derbia izango da.
Anoetan sarrerak ere agortuta
Realak ostiralean Athleticen aurka San Mamesen jokatuko duen euskal derbirako 200 sarrera jarri zituen salgai astearte honetan, eta aitaren batean agortu ziren.
Zale txuri-urdinek ez dute Katedralean jokatuko den azken euskal derbia galdu nahi izan, eta hainbat denbora egon behar izan dute ilaran.
Igandetik jendea egon da Anoetako txarteldegietan, baina astearte honetara arte ez ziren lehiatilak ireki.
