Kento Hashimoto eta Aritz Arambarri Eibarren arituko dira

Kento Hashimoto erdilari japoniarrak ostegun honetan sinatu du Eibarrekin duen kontratua. Jokalari libre gisa helduko da euskal taldera denboraldi baterako, helburuak betez gero beste denboraldi bat luzatzeko aukerarekin.

Talde armaginak udako merkatuan egin duen hamaikagarren fitxaketa da.

Hashimotok Japoniako selekzioarekin ere jokatzen du, eta Huescan jokatu du azken bi denboraldietan. 59 partida jokatu zituen eta bi gol sartu.

Osasun probak egin ondoren, jokalaria taldearekin entrenatzen hasiko da.

Bestalde, Leganesek eta Eibarrek akordioa lortu dute Aritz Arambarrik gipuzkoako taldean jokatzeko, talde madrildarrak baieztatu duenez.

Arambarrik iazko udan sinatu zuen talde madrildarrarekin, Realak eskualdatu ondoren, eta 26 partida jokatu zituen Hypermotion Ligan. Lehen Mailara igotzea lortu zuen eta Bigarren Mailan gol gutxien jaso zuen defentsaren kideetako bat izan zen.