Eibar
Fitxaketa
Eibarrek Nati Cano aurrelaria fitxatu du, 2026ra arte
EITB MEDIA
Jokalaria, 19 urtekoa bera, Atletico Baleares taldetik iritsi da Eibarrera; 2022-23 denboraldian, RFEFeko Bigarren Mailan, hamabi gol egin ditu. Erdiko aurrelari ibiltzen da, baina erasoko beste postu batzuetan ere jokatu ahal du.
-
Nati Cano 2026ra arte izango da Eibarren. Argazkia: SD Eibar.
Eibarrek Nati Cano aurrelaria fitxatu du, 2026ko ekainera arte, asteazkenean Gipuzkoako klubak jakitera eman duenez. Horrela, Yerai Martinez entrenatzaileak lehen jokalari berria du, taldea sendotzeko, 2023-24 denboraldiari begira; izan ere, Eibar, beste behin, Lehen Mailan arituko da.
Eibarrek nabarmendu duenez, Canok 19 urte ditu, eta Atletico Baleares taldetik iritsi da klub armaginera. 2022-23 denboraldian, RFEFeko Bigarren Mailan, hamabi gol egin ditu.
Nati Cano erdiko aurrelari ibiltzen da, baina erasoko beste postu batzuetan ere jokatzeko gai da.
