Eibar
FITXAKETA
Eibarrek Chema Rodriguez, Jon Bautista eta Alvaro Vadilloren fitxaketak iragarri ditu
I. G. | EITB MEDIA
Rodriguez Eibarren aritu zen iragan denboraldian, Getafek utzita. Bautista Realetik dator eta hiru urterako sinatu du. Vadillok Espanyolek utzita jokatuko du.
-
Chema Rodriguez. Irudia: Eibar
Chema Rodriguezek, Jon Bautistak eta Alvaro Vadillok Eibarrekin jokatuko dute 2022-2023 denboraldian. Talde armaginak akordioa lortu du Rodriguezekin eta Bautistarekin hurrengo hiru denboraldietarako, eta Vadillo Espanyoletik dator utzita.
Rodriguez Eibarren aritu zen iragan denboraldian ere, 2021-22an, Getafek neguko merkatuan utzita. Guztira, 19 partida jokatu zituen Gaizka Garitanoren zuzendaritzapean.
Talde madrildarrarekin zuen kontratua duela gutxi eten ondoren, Eibarreko diziplinara itzuliko da, kasu honetan, jabetzan, eta armagin gisa sinatuko du hurrengo hiru denboraldietarako, 2025eko ekainera arte.
¿ OFICIAL | OFIZIALA ¿@_chema6, nuevo refuerzo armero.
— SD Eibar (@SDEibar) July 21, 2022
¿ https://t.co/nN2UiJP1lk
Ongi etorri berriz ere, Chema!
¿ https://t.co/JqnLelrejq#BetiArmaginak
Jon Bautista Realeko aurrelaria Eibarren seigarren fitxaketa bihurtu da, jokalariaren eskubideak talde txuri-urdinarekin partekatuko direlarik.
67 partida jokatu ditu Lehen Mailan, 6 gol sartu ditu, eta 24 partida Bigarren Mailan.
Bautistaren etorrerak armaginen aurreko lerroa indartzeko balioko du, Fernando Llorente, Fran Sol eta Blanco Leschuk taldea utzi ondoren.
¿ OFICIAL | OFIZIALA ¿
— SD Eibar (@SDEibar) July 22, 2022
Bautista, sexto fichaje armero.
¿ https://t.co/dLH7pWZwf6
Bautista, seigarren fitxaketa armagina.
¿ https://t.co/1MOsgQ191I#BetiArmaginak #Bautista2025 pic.twitter.com/CpA3WZehPA
Bestalde, Alvaro Vadillo Eibarren zazpigarren errefortzua izango da denboraldi honetarako, talde gipuzkoarrak Espanyolekin lortutako lagapen-akordioari esker.
Vadillok 66 partida jokatu ditu Lehen Mailan, 3 gol sartuz eta 5 asistentzia eginez. Halaber, 129 partida jokatu ditu Bigarren Mailan, 14 tanto egin ditu eta 23 asistentzia egin ditu.
¿ OFICIAL | OFIZIALA ¿@Alvaro_Vadillo, séptimo refuerzo armero. Llega cedido por el @RCDEspanyol
— SD Eibar (@SDEibar) July 22, 2022
¿ https://t.co/AnI5dy5p2z#BetiArmaginak pic.twitter.com/9Pn6ko4PwT
