Eibar
PRIMERA IBERDROLA
Jordi Ferronek ordezkatuko du Ana Junyent Eibarren
EITB MEDIA
Entrenatzaile katalanak denboraldi amaierara arteko kontratua sinatu du armaginekin, Primera Iberdrolako jaitsiera postuetan murgilduta dagoen taldearen ibilbidea zuzentzeko asmoz.
-
Jordi Ferrón. Argazkia: @SDEibar
Albisteak (2)
Jordi Ferron izango da hemendik aurrera Eibarren emakumezkoen lehen taldeko entrenatzailea. Teknikari katalanak denboraldi honen amaierara arteko kontratua sinatu du, talde armaginak jakitera eman duenez. Horrenbestez, Ferronek (Bartzelona, 1978) atzo kargutik kendu zuten Ana Junyenten lekua hartuko du.
Ferronekin batera Jon Olangua arituko da Bigarren entrenatzaile gisa. Olanguari ez zaio arrotz egingo zeregin hori, azken bi denboraldietan ere jardun horretan ibili baitzen. Egun egun emakumezkoen kadete mailako entrenatzailea zen.
Jordi Ferronek entrenatzaile gisa egindako ibilbide osoa emakumezkoen futbolean izan da. Hala, Espanyol zuzendu du Lehen Mailan 2019-2020 denboraldian, baita Club Esportiu Seagull ere 2015etik 2019ra, Bigarren Mailan.
Futbolari gisa Bartzelonako harrobian aritu zen eta Rayo Vallecano, Real Zaragoza, Albacete eta Badalonan jokatu zuen.
