Eibar
Lesioa
Ramisi eskuin belauna garbitzeko artroskopia egingo diote
Erredakzioa
Ivan Ramis Eibar taldeko jokalaria min hartuta dabil, eta asteazken honetan egingo diote artroskopia.
-
Ivan Ramis, Eibar taldeko jokalaria. Argazkia: EiTB
Ivan Ramis Eibar taldeko jokalariari eskuin belauna garbitzeko artroskopia egingo diote asteazken honetan. Belauneko arazoek ez diote uzten normaltasunez lan egiten, eta, horregatik egingo diote garbiketa.
Denboraldi honetan lesio ugari izan ditu Ramisek eta oso gutxi jokatu du. Erdiko defentsa postuan jokatzen duen futbolaria pieza garrantzitsua izan da Jose Luis Mendilibar entrenatzailearentzat, baina aurten ezin izan du askotan erabili. Eibarrek ez du zehaztu Ivan Ramisek jokatu ezinda emango duen epea.
Bestalde, klubeko mediku zerbitzuek jakainarazi dute Kike Garciak ezker hankako iskiotibialetako lesioa gainditzeko sendatze-prozesuarekin jarraitzen duela. Granadaren aurkako neurketan hartu zuen min aurrelari armaginak.
