Eibar, hiru puntuen bila Leganesera

Leganes eta Eibar igande honetan, 18:30ean, ariko dira nor baino nor Butarquen. Bi taldeen helburua da mailari eustea, eta partida hau oso garrantzitusa da bientzat.

Armaginak Vila-realen aurka garaipena lortzetik datoz, baina etxetik kanpora ez dute garaipenik eskuratu oraindik. Hamaikakoari dagokionez, Bigas sar daiteke hamaikakoan, Oliveiraren ordez. Bestalde, Edu Expositok eta Escalantek jokatuko dute zelai erdian, eta Quique Gonzalezek eta Charlesek osa dezakete aurrealdea.

Madrileko taldeak, aldiz, beharrezkoa du garaipena, Ligako azken sailkatua baita. Etxean jokatu zuen azken partida irabazi egin zion Mallorcari, nahiz eta hurrengo neurketan 5-0 galdu zuen Real Madrilen aurka. Luis Cembranos entrenatzaileak Ivan Cuellar atezaina jarriko du hasieratik, Juan Sorianoren ordez.

Ustezko hamaikakoak:

Leganes: Cuellar; Rosales, Tarin, Omeruo, Jonathan Silva; Rivera, Recio, Roque Mesa; Oscar Rodriguez, Braithwaite eta Carrillo.

Eibar: Dmitrovic, Arbilla, Bigas, Burgos, Cote, Pedro Leon, Exposito, Escalante, Inui, Charles eta Quique Gonzalez.

Epailea: Gonzalez Fuertes.

Zelaia: Butarque.

Ordua: 18.30.