Eibar
2018/2019 denboraldirako
Eibarrek bere elastiko berriak aurkeztu ditu
AGENTZIAK | ERREDAKZIOA
Lehendabiziko jantziak ohikoak diren kolore urdin eta granateak ditu; bigarrena, zurira aldatu da; eta hirugarrenak, tonu berdeei eusten die.
-
2018/2019 denboraldirako Eibarren elastikoak. Argazkia: Eibar
Eibarrek 2018/2019 denboraldian erabiliko dituen elastikoak eman ditu ezagutzera ostegun honetan; izan ere, talde armaginak berritu egin ditu hiru jantzien diseinua eta koloreak.
Hartara, kamiseta titularrak ohikoa den marra bertikal urdin eta granatez osatutako estanpatu bat dauka, aurrealdean zein atzealdean.
Bigarren elastikoak, berriz, erabateko aldaketa dakar aurrekoarekin alderatuta, lehen beltza zena orain zuria izango baita. Horrez gain, Another football is posible (beste futbol bat posible da) dioen leloa hainbat aldiz agertzen da inprimatuta letra gorriz. Azkenik, hirugarren jantzian tonu berdea duten marra bertikalez osatutako estanpatua ikus daiteke.
