Primera RFEF
23. jardunaldia
Alaves, jaun eta jabe sailkapenean
Erredakzioa
Arabako taldeak ederki aprobetxatu du Eibarren eta Izarraren arteko berdinketa, eta zuri-urdinek sailkapenean 6 puntuko aldea dute armaginekin.
Alavesek garaipen garrantzitsua lortu du Teruelen aurka (2-0), eta Gasteizko taldeak Bigarren B Mailako 2. multzoko sailkapeneko postuan sendo jarraitzen du. Eibarrek 0-0ekoa lortu du Izarraren aurka, eta armaginak lidergotik sei puntura jarri dira. Bilbao Athleticek 2-1 irabazi du Osasuna Bren aurka Lezaman, eta Zigandaren mutilak Eibar puntu bakarrera dute. Amorebieta laugarren sailkatuak, puntu bakara lortu du Lleidaren kontra.
Gainera, Barakaldo promozio postuetatik bost puntua jarri da Noja 3-0 jipoituta. Tudelanok 4-2 gainditu du Reala B, eta Nafarroako taldeak aurrerapauso garrantzitsua eman du.
Real Unionek 1-0 galdu du SD Logroñesen aurka, eta Sestao Riverrek 0-1 gainditu du Gimnastika etxetik kanpora. Peña Sportek 1-1ekoa lortu du Zaragoza Bren aurka.
Emaitzak:
Athletic Club B 2-1 Osasuna B
CD Tudelano 4-2 Reala B
Racing B 1-1 UD Logroñes
Zaragoza B 1-1 Peña Sport
Lleida Esportiu 1-1 SD Amorebieta
SD Logroñes 1-0 Real Union
Deportivo Alaves 2-0 Teruel
Barakaldo 3-0 Noja
CD Izarra 0-0 Eibar
Gimnastica 0-1 Sestao River
