Athletic Ligan gol gehien jaso dituen taldea da

Real Madrilen eta Bartzelonaren kontra 5-1eko jipoia jasotzea ia ohikoa bihurtu da, baina horrez gain, talde zuri-gorriak Lehen Mailako gol average-rik okerrena du, -13 (19/32).

Norgehiagoka bakoitzean bi gol baino gehiago jasotzen ditu Athleticek. Rayok (-12; 18/30) eta Deportivok (-10; 21/31) estatistika hobeagoa dute.

Gainera, Deportivorekin batera jaitsiera postuetan diren Espanyolek (13/22) eta Granadak (11/20) zenbaki hobeagoak dituzte; izan ere, bi taldeen averagea -9koa da.

Hala eta guztiz ere, nahiz eta gol ugari jaso eta average negatiboa izan, zuri-gorriek 15 puntu dituzte eta jaitsiera postuetatik kanpo daude. Athleticek jaitsiera postuak hiru puntura ditu.