Athletic Club
Partida atzeratu dute
UEFAk aste bukaeran erabakiko du Hapoel Kyriat-Athletic partidako data
Erredakzioa
Europa Ligako norgehiagokaren data aste bukaeran erabakiko duela azaldu du UEFAk. Neurketa bertan behera utzi dute, Tel Aviven autobus baten aurka atentatua egin ondoren.
-
Athletic-Hapoel Kyriat, joaneko neurketa. Argazkia: EFE
Europako futbol erakundeak larrialdietarako komitea batu du gaur, eta batzarrean bosgarren jardunaldiko neurketa atzeratzea erabaki dute, "lurraldeko segurtasun egoera larria" dela eta.
"Dataren erabakia aste bukaeran hartuko dugu", azaldu du UEFAk. Hala ere, Israelgo klubeko iturriek neurketa datorren astean jokatuko dela azaldu diote Efe agentziari.
