Athletic, futbol-zelairik gabe hurrengo denboraldiaren hasierarako

Erredakzioa

Azken eguneratzea: 2012/10/16 10:54 (UTC+2)

Beste futbol-zelaia batean jokatu beharko dute zuri-gorriek 2013-2014 denboraldiko lehen jardunaldietan. Urrutiak Javi Martinezi eta Llorenteri buruz hitz egin du.

Josu Urrutia Athleticeko presidentea. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Athleticek nekez erabili ahal izango du San Mames futbol-zelaia 2013-2014 denboraldiaren hasieran. 2013. urteko azaroaren 15era arte ezin izango du Athleticek zelai berrian jokatu, Jose Angel Corres klubeko presidenteordeak aurreratu duenez. Gauzak horrela, hurrengo denboraldiko lehen jardunaldietan, beste futbol-zelaia batean jokatu beharko dute zuri-gorriek.

Gaurko San Mames zelaiaren harmail nagusia 2013ko irailaren 15ean botako dutela jakinarazi du Corresek, eta lanen amaiera 2014.eko abuzturako iragarrita dago.

Javi Martinez eta Fernando Llorente

Jasotako 40 milioi euroak baino, Javi Martinezek taldean jarraitzea nahi izan zuela aitortu du. "Ez da arraroa diruaren aurretik gure filosofiaren defentsa jartzea, hau da, jokalari garrantzitsuen jarraipena", esan du. Fernando Llorenteri buruz "ideiaz aldatzeko itxaropena" duela esan du Urrutiak eta horrela kontratua berritzea.

Urrutia, pozik

Athleticeko presidentea "pozik" agertu da konpromisarioen batzarrean jasotako babesarekin, baina ez dutela "lasaikerian erori" behar azpimarratu du.